ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អាជ្ញាធរខេត្តកែបរៀបចំផ្លូវដើរសាធារណៈតាមឆ្នេរដើម្បីត្រៀមប្រកួតស៊ីហ្គេម និងបុណ្យសមុទ្រ

  • ចុះផ្សាយថ្ងៃទី០៧ ខែកុម្ភៈ ឆ្នាំ២០២៣ ម៉ោង ១៩:០២ នាទី ដោយ Sao SokEng
  • 2238
  Aa |   aA

កែប៖ រដ្ឋបាលខេត្តកែបបានចាប់ផ្តើមរៀបចំហេដ្ឋារចនាសម្ព័ន្ធ និងសណ្តាប់ធ្នាប់ថ្មី លើផ្លូវដើរសាធារណៈតាមបណ្តោយឆ្នេរក្រុងកែបឡើងវិញ ដើម្បីត្រៀមការប្រកួតកីឡាទ្រីយ៉ាត្លុងដែលខេត្តកែបធ្វើជាម្ចាស់ផ្ទះនៅខែឧសភាខាងមុខនេះ និងធ្វើជាម្ចាស់ផ្ទះរៀបចំពិធីបុណ្យសមុទ្រនៅចុងឆ្នាំ២០២៣។

អភិបាលក្រុងកែប លោក ខេង យ័ន បានគូសបញ្ជាក់ប្រាប់ EAC News ថារដ្ឋបាលខេត្តបានរុះរើកន្លែងលក់ដូររបស់អាជីវករ និងបានដកដើមឆ័ត្រនៅតាមឆ្នេរ ជំនួសដោយដាំដើមឈើកម្ពស់២ ទៅ ៣ម៉ែត្រឡើងវិញសម្រាប់ធ្វើជាម្លប់ដល់ភ្ញៀវទេសចរ និងរៀបចំក្រាលថ្មក្រានីត និងរូបតំណាង «ខ្ញុំស្រឡាញ់ខេត្តកែប» ផងដែរ។

បើតាមលោកអភិបាលក្រុងកែប គម្រោងរៀបចំសោភ័ណថ្មីនេះនឹងធ្វើឱ្យរួចរាល់ឱ្យទាន់ព្រឹត្តិការណ៍ស៊ីហ្គេមមកដល់។ លោកអះអាងថា ក្រោយពីហេដ្ឋារចនាសម្ព័ន្ធថ្មីនេះរួចរាល់ នោះខេត្តនឹងលែងឱ្យអាជីវករប្រើផ្លូវសាធារណៈនៅតាមបណ្តោយឆ្នេរធ្វើជាកន្លែងលក់ដូរទៀតហើយ ពោលនឹងទុកផ្លូវសាធារណៈនោះសម្រាប់ភ្ញៀវទេសចរមកកម្សាន្តអង្គុយលេងដោយឥតគិតថ្លៃ។

អភិបាលក្រុងកែបបានបញ្ជាក់ថា ក្រុមអាជីវករចំនួន ៥០នាក់បានបង្ហាញការគាំទ្រចំពោះគម្រោងអភិវឌ្ឍផ្លូវសាធារណៈតាមឆ្នេរនេះ។ លោកនិយាយថា៖ «អាជីវករទាំងនោះបានគាំទ្រលើការរៀបចំហេដ្ឋារចនាសម្ព័ន្ធថ្មី។ ពួកគាត់សុទ្ធតែជាអាជីវករដែលមានតូបឯកជននៅខាងលើ ពួកគាត់សុទ្ធតែជាអ្នកមានជីវភាពធូរធា។ ដោយយើងនឹងលុបបំបាត់បាតុភាពយកលុយពីភ្ញៀវទេសចរមកអង្គុយលេងតាមឆ្នេរពីក្រុមអាជីវករទាំងនោះ»។

លោក ខេង យ័ន បន្ថែមថា ក្រៅពីនេះ រដ្ឋបាលខេត្តនឹងមានគម្រោងចាក់ខ្សាច់នៅតាមឆ្នេរសមុទ្រកែបឡើងវិញ និងត្រៀមរៀបចំតបណ្តាញអគ្គិសនីចំនួន ២០០ដើម និងបំពាក់អំពូលភ្លើងនៅតាមឆ្នេរចំនួនជិត ៥០០អំពូល។ លោកបន្តថាកិច្ចការងារនេះរដ្ឋបាលខេត្តរំពឹងទុកថានឹងធ្វើឱ្យរួចរាល់មុនចុងឆ្នាំ២០២៣ ដើម្បីត្រៀមរៀបចំពិធីបុណ្យសមុទ្រ៕


ព័ត៌មានជាច្រើនទៀតសម្រាប់អ្នក